करोना आला तेव्हा ट्रम्प यांच्या स्वागतात मोदी व्यस्त होते: जयंत पाटील

फक्त महाराष्ट्रातच नव्हे तर संपूर्ण जगात करोनानं थैमान घातलं आहे. तरीही महाराष्ट्रातील भाजप नेते राजकारण करताना दिसत आहेत. करोनाच्या मुद्द्यावरून राज्य सरकारला प्रश्न विचारला जात आहे. प्रश्न आम्हालाही विचारता येतो, असं सांगतानाच देशात करोना कसा आला? करोनाचा देशात शिरकाव झाला तेव्हा पंतप्रधान नरेंद्र मोदी हे अमेरिकेचे राष्ट्राध्यक्ष डोनाल्ड ट्रम्प यांच्या स्वागतात व्यस्त होते, असं आम्ही कधीच म्हटलं नाही. तरीही भाजप राजकारण करत आहे, असा टोला जलसंपदा मंत्री जयंत पाटील यांनी भाजपला लगावला आहे.