देशातील १.७ लाख सार्वजनिक सेवा केंद्रांवर होणार रेल्वे तिकिटांची बुकिंग

आयआरसीटीसीवरील भार कमी करणे आणि अत्यंत सुलभरित्या तिकीट देण्यासाठी रेल्वेकडून देशातील १.७ लाख सार्वजनिक सेवा केंद्रांवर रेल्वे तिकिटांची बुकिंग सुरू केली जाणार आहे. रेल्वे मंत्री पियुष गोयल यांनी याबाबतची माहिती दिली. १ जूनपासून सुरू होणाऱ्या ट्रेनसाठी बुकिंग सुरू करण्यात आल्यानंतर पहिल्या २ तासातच ४ ते ५ लाख तिकीट बुक करण्यात आल्याचंही ते म्हणाले.