देशात करोना संसर्गाचा वेग घटला, आरोग्यमंत्र्यांचा दावा

देशात करोनाने होणारा मृत्यू दर कमी होऊन तो ३.१ टक्के इतका झाला आहे. दुसरीकडे रुग्ण बरे होण्याचे प्रमाण वाढून ३७.५ टक्के इतकी झाली आहे. देशात करोना रुग्णांची संख्या १०६ दिवसांत ८० हजारांवर गेली आहे. तर ब्रिटन, इटली स्पेन, जर्मनी आणि अमेरिका या देशात ४४ ते ६६ दिवसांमध्ये एवढे रुग्ण आढळून आले होते. ८ राज्य आणि केंद्र शासित प्रदेशांमध्ये गेल्या २४ तासांत करोनाचा एकही नवीन रुग्ण आढळून आलेला नाही, असं केंद्रीय आरोग्यमंत्री हर्षववर्धन म्हणाले.