वेळापूरात गजानन महाराज प्रकट दिनानिमित्त कार्यक्रम

सालाबाद प्रमाणे याहीवर्षी वेळापूर येथील शिशु मंदिर जवळील जवळेकर यांच्या निवासस्थानी असलेल्या मंदिरामध्ये गजानन महाराज यांचा प्रकट दिन साजरा करण्यात आला.

यानिमित्त तीन दिवस धार्मिक कार्यक्रमांचे आयोजन करण्यात आले होते. वेळापुरात शिशु मंदिर शेजारी मधुकर जवळेकर यांच्या निवासस्थानी गजानन महाराज मंदिर आहे . येथे १३ फेब्रुवारीपासून महिलांचे सामूहिक पारायण सुरू आहे .आज त्याची समाप्ती झाली . सुमारे ५० महिलांनी यात सहभाग नोंदवला होता. 

आज सकाळी अभिषेक , ११ वाजता भजन , दुपारी १२ वाजता गुलाल आणि पुष्पवृष्टी करण्यात आली. त्यानंतर महाप्रसाद वाटप करण्यात आला.  वेळापूर व परिसरातील भक्तगण यावेळी मोठ्या संख्येने उपस्थित होते.

(छाया : धनंजय शिवपूजे)