सोलापूर जिल्ह्यात कलम ३७(१) लागू

सोलापूर जिल्ह्यात कलम ३७(१) लागू करण्यात आले आहे. महानगरपालिका हद्द वगळून ग्रामीण भागात हे कलम दि. ०२ ऑगस्ट पर्यंत लागू करण्यात आले आहे. महाराष्ट्र पोलीस अधिनियम ३७ (१) व ३७ (३) चे आदेश अप्पर जिल्हा दंडाधिकारी अजित देशमुख यांनी दिले आहेत.

या आदेशानुसार शस्त्रे झेंडा झेंडा लावलेली काठी याचबरोबर शरीराला इजा करणारी साधने ज्वालाग्राही पदार्थ सोबत बाळगण्यात व वाहून नेण्यास सक्त मनाई करण्यात आली आहे. त्याचबरोबर प्रेत यात्रा, कोणत्याही व्यक्तीचे फोटो प्रदर्शन, घोषणाबाजी, रॅली, सभा यांसारख्या गोष्टींवर प्रतिबंध घालण्यात आला आहे.

हा आदेश अत्यावश्यक सेवा, सरकारी नोकर, जिल्हाधिकारी , पोलीस अधीक्षक, उपविभागीय पोलीस अधिकारी, सहाय्यक पोलीस निरीक्षक यांसारख्या अधिकाऱ्यांनी परवानगी दिलेल्या व्यक्तींना लागू होणार नाही.