'मिशन नंबर-२'; राष्ट्रवादीचा मुंबईसाठी 'हा' प्लान

आगामी काळात मुंबई महापालिकेतही दबदबा निर्माण करण्यासाठी राष्ट्रवादी काँग्रेसने जय्यत तयारी सुरू केली आहे. त्यासाठी राष्ट्रवादीने 'मुंबई पालिका मिशन नंबर-२'ची घोषणा केली आहे. मुंबई महापालिकेत शिवसेना नंबर वनचा पक्ष असून शिवसेना नंबर वनच राहिली पाहिजे. परंतु, राष्ट्रवादी दुसऱ्या क्रमांकावर आली पाहिजे, असं सांगतानाच मुंबई पालिकेत राष्ट्रवादीच्या नगरसेवकांची संख्या ८वरून ५० ते ६०वर गेली पाहिजे. त्यासाठी कामाला लागा, असे आदेशच राष्ट्रवादीचे नेते आणि उपमुख्यमंत्री अजित पवार यांनी कार्यकर्त्यांना आज दिले.