कोरोनो । आता होणार तुमच्यावर गुन्हा दाखल, वाचा सविस्तर

राज्यात साथरोग कायदा लागू

▪️ राज्यात 13 मार्च 2020 पासून साथरोग अधिनियम कायदा 1897 लागू करण्यात आला. 

▪️ त्यानुसार राज्यात कोरोना विषाणू संसर्गाचा उद्रेक रोखण्यासासाठी आवश्यक उपाययोजना करण्यासाठी जिल्हाधिकारी व तत्सम अधिकार्‍यांना खालील विशेषाधिकार प्रदान करण्यात आलेले आहेत.

▪ या अधिकार्‍यांनी सांगितलेल्या सरकारी व खासगी रुग्णालयात विलगीकरण कक्ष स्थापन करण्यात येईल.

 

▪ केंद्र सरकार किंवा राज्य सरकारने प्राधिकृत केलेल्या प्रयोगशाळांमध्येच कोविड 19 या आजाराचे निदान करणे आवश्यक राहील.

 

▪ 14 दिवसाचे घरगुती विलगीकरण किंवा अलगीकरण कक्षातील अलगीकरण हे नियमानुसार आवश्यक असून या सूचना न पाळणार्‍या व्यक्तींवर कारवाई करण्याचे अधिकार सक्षम अधिकार्‍याला राहतील.

▪ कोरोना संदर्भात चुकीची माहिती अथवा अफवा पसरवणार्‍या व्यक्तींविरुध्द कायदेशीर कारवाई केली जाणार

▪ एखाद्या भौगोलीक क्षेत्रात उद्रेक आढळून आल्यास हे क्षेत्र प्रतिबंधित करणे अथवा उद्रेक नियंत्रणासाठी इतर आवश्यक निर्बंध घालणे इ. अधिकार सक्षम अधिकार्‍याला राहतील.

 व्हॉट्सअ‍ॅप अ‍ॅडमिनवर गुन्हा : 

व्हॉट्सअ‍ॅप किंवा सोशल मीडिया तसेच अन्य माध्यमातून कोरोनाबद्दल भीती निर्माण होईल असे गैरसमज पसरविणारा मेसेज, पोस्ट पाठविणार्‍यांवर कायद्यानुसार कठोर कारवाई करावी. असे निर्देश गृहमंत्री अनिल देशमुख यांनी पोलिसांना दिले आहेत.