जिल्ह्यात 136 टक्के खरिपाची पेरणी, सर्वाधिक करमाळा तालुक्यात 296 टक्के पेरणी

        सोलापूर,दि.18: यंदा जिल्ह्यात ऊस पीक वगळता 136 टक्के खरिपाची पेरणी झाल्याची माहिती जिल्हा अधीक्षक कृषी अधिकारी बसवराज बिराजदार यांनी दिली. सर्वाधिक 296 टक्के पेरणी ही करमाळा तालुक्यात झाली आहे.

           सोलापूर जिल्हा रब्बी जिल्हा म्हणून ओळखला जातो. जिल्हा प्रशासनाच्या पाठपुराव्यामुळे आता खरिपाचा जिल्हा म्हणून मान्यता मिळाली आहे. यामुळे खरिपाच्या पेरणीमध्येही वाढ झाल्याचे दिसून येते. उसासहित खरिपाची पेरणी 90 टक्के झाली आहे. उत्तर सोलापूर तालुक्यात ऊस क्षेत्र वगळून सरासरी 4162 हेक्टर क्षेत्र पेरणीयोग्य आहे, मात्र याठिकाणी 6498 हेक्टर क्षेत्रावर पेरणी झाली असून याची टक्केवारी 156 इतकी आहे. यंदा जिल्ह्यात उसाचे सरासरी क्षेत्र 1 लाख 37 हजार 536 हेक्टर असून यापैकी 18 हजार 102 हेक्टरवर लागवड झाली आहे.    

          दक्षिण तालुक्यात 21 हजार 168 सरासरी क्षेत्र (पेरणी-32 हजार 655 हेक्टर, 154 टक्के), बार्शी- 57 हजार 389 सरासरी क्षेत्र (पेरणी-68 हजार 937 हेक्टर, 120 टक्के), अक्कलकोट- 65 हजार 225 हेक्टर (पेरणी-69 हजार 443 हेक्टर, 106 टक्के), मोहोळ-4780 हेक्टर (पेरणी-9623 हेक्टर, 201 टक्के), माढा-17 हजार 460 हेक्टर (पेरणी- 30 हजार 321 हेक्टर, 174 टक्के), करमाळा-14 हजार 49 हेक्टर (पेरणी-41 हजार 562 हेक्टर, 296 टक्के), पंढरपूर-2328 हेक्टर (पेरणी-2002 हेक्टर, 86 टक्के), सांगोला-17 हजार 721 हेक्टर (पेरणी-28 हजार 713 हेक्टर, 162 टक्के), माळशिरस-11 हजार 217 हेक्टर (पेरणी-8733 हेक्टर, 78 टक्के) आणि मंगळवेढा- 19 हजार 142 हेक्टर (पेरणी-20 हजार 155 हेक्टर, 105 टक्के).

पीकनिहाय पेरणी खालीलप्रमाणे.

अ.क्र. पिकाचे नाव सरासरी क्षेत्र हेक्टर पेरणी क्षेत्र हेक्टर टक्केवारी

1. भात 149 89 60

2. खरीप ज्वारी 36 31 86

3. बाजरी 33351 38825 116

4. मका 26855 37038 138

5. रागी 430 19 4

6. इतर तृणधान्य 1845 130 7

7. एकूण तृणधान्य 62666 76132 121

8. तूर 68013 90167 133

9. मूग 13650 24433 179

10. उडीद 36064 50940 141

11. इतर कडधान्य 4369 1351 31

12. एकूण कडधान्य 122096 166891 137

13. एकूण अन्नधान्य 184762 243023 132

14. भुईमूग 3376 6292 186

15. तीळ 245 155 63

16. सूर्यफुल 6930 11251 162

17. सोयाबीन 37811 56977 151

18. कारळे 154 144 94

19. इतर गळितधान्य 761 76 10

20. एकूण गळितधान्य 49277 74895 152

21. कापूस 602 724 120

22. एकूण खरीप क्षेत्र (ऊस वगळून) 234641 318642 136

23 ऊस नवीन लागवड 137536 18102 13

24. एकूण खरीप क्षेत्र उसासहित 372177 336744 90

 

           एकंदरीत एकूण अन्नधान्याचे क्षेत्र सरासरी 1 लाख 84 हजार 762 हेक्टर असून 2 लाख 43 हजार 23 हेक्टर क्षेत्रावर पेरणी झाली आहे. गळिताचे सरासरी क्षेत्र 49 हजार 277 हेक्टर असून 74 हजार 895 हेक्टर क्षेत्रावर पेरणी झाली आहे. ऊस क्षेत्र वगळून खरिपाचे क्षेत्र सरासरी 2 लाख 34 हजार 641 हेक्टर असून 3 लाख 18 हजार 642 हेक्टर क्षेत्रावर पेरणी झाल्याचे श्री. बिराजदार यांनी सांगितले.